Upatikanaji viungo

Rais Kabila afukuza kazi watumishi wa serikali



Rais Joseph Kabila wa Jamhuri ya kidemokrasia ya Congo amewafukuza kazi wakuu 80 wa mashirika ya umma na maafisa wa vyeo vya juu serikalini, kwa tuhuma za ulaji rushwa.

Mwandishi wa Sauti ya Amerika huko Kinshasa anaripoti kwamba maafisa hao wameondolewa kazini kutokana na tuhuma za rushwa, uongozi mbaya na matumizi mabaya ya mali za umma.

Vile vile Rais Kabila ameamuru kustaafishwa kwa wafanyakazi 1200 wa serikali ambao walishatimiza umri wa kustaafu ama wamefanya kazi zaidi ya miaka 35.

Hatua hiyo ya Rais Kabila ni kampeni yake ya kupambana na rushwa aliyoianza wiki mbili zilizopita ambapo aliwaachisha kazi mahakimu kadhaa wakiwemo Mwanasheria Mkuu na kiongozi wa Mahakama Kuu nchini humo.

XS
SM
MD
LG