Upatikanaji viungo

Kikao cha Bunge Chaahirishwa Kenya


Mgogoro wa kisiasa kati ya Makamu wa Rais Kalonzo Musyoka na Waziri Mkuu Raila Odinga umesababisha kikao cha kawaida cha bunge nchini Kenya kuahirishwa hadi wiki ijayo kwa matumaini kuwa mgogoro huo utakuwa umepatiwa ufumbuzi.

Mchambuzi wa siasa, Michael Tiampati anasema kiini cha mgogoro wa Kenya na hali ya kutokuelewana ndani ya serikali ya mseto ni uchu wa madaraka walionao baadhi ya viongozi wa Kenya.

Tiampati anasema kila upande unadai kuwa na mamlaka zaidi. Kwa upande wake chama cha ODM kinadai kuwa kinawajumbe wengi bungeni, huku chama cha PNU kikidai kuwa rais na makamu wake wanatoka chama hicho.

Anasema kuwa mvutano huo kati ya viongozi wa ODM na PNU umekwamisha mambo mengi ambayo yangeweza kufanyika kwa manufaa ya taifa, ikiwa ni pamoja na yale yote yaliyokubaliwa wakati wa utiaji saini mkataba wa kushirikiana madaraka uliosimamiwa na katibu mkuu wa zamani wa Umoja wa Mataifa, Kofi Annan.

Zinazohusiana

XS
SM
MD
LG