Upatikanaji viungo

Rais Omar Al-Bashir Arejea Sudan


Rais wa Sudan, Omar al-Bashir, aliondoka nchini Afrika Kusini, Jumatatu, akipuuzia masharti ya mahakama ya Pretoria.

Mahakama hiyo ilimtaka yeye kubaki nchini humo mpaka pale itakapo amua kama anapaswa kukamatwa kwa uhalifu wa kivita na mashtaka ya mauaji ya halaiki.

Bwana Bashir, alikuwa amevalia vazi lake la kitamaduni, na kupungia watu kwa kutumia fimbo yake pale alipowasili mjini Khartoum huku akisema kwa sauti kubwa “mungu ni mkubwa.”

Bwana Bashir alikuwepo jijini Johannesburg kwa mkutano wa umoja wa Afrika, lakini mahakama ya uhalifu ya kimataifa ilitoa shauri la kukamatwa kwake wakati akiwa huko.

XS
SM
MD
LG